Last Updated on 05/08/2026 by EL
Policia e Elbasanit ka dalë me një bilanc për kontrollet e bëra brenda një jave, ku bëhet me dije se për shkak të shkeljeve të ndryshme të Kodit Rrugor nga 27 korriku deri më 2 gusht janë në total 1787 gjoba. Po ashtu raportohet se 3 shoferë janë vënë në pranga.
Si rezultat i kontrolleve të ushtruara brenda javës që lamë pas, raportohet se janë evidentuar 9 raste të veprës penale “Drejtimi i automjeteve në mënyrë të parregullt”, të gjithë për drejtim mjeti në gjendje të dehur. Në mesin e këtyre raportohet se 3 drejtues mjeti janë arrestuar, ndërsa 6 shoferë të tjerë thuhet se janë proceduar në gjendje të lirë.
Njoftimi i plotë i Policisë:
Policia Rrugore e Elbasanit/Monitorim intensiv në të gjitha akset rrugore urbane dhe interurbane të qarkut, me patrulla, radarë dhe mjete logjistike, me qëllim parandalimin e aksidenteve rrugore, evidentimin e shkeljeve të Kodit Rrugor dhe rritjen e parametrave të sigurisë rrugore.
Si rezultat i kontrolleve të ushtruara gjatë periudhës 27.07–02.08.2026, janë evidentuar 9 raste të veprës penale “Drejtimi i automjeteve në mënyrë të parregullt”, të gjithë për drejtim mjeti në gjendje të dehur. Nga këta, 3 drejtues mjeti janë arrestuar, ndërsa 6 janë proceduar në gjendje të lirë.
Gjithashtu, gjatë kësaj periudhe janë vendosur gjithsej 1787 masa administrative për shkelje të ndryshme të Kodit Rrugor, konkretisht:
❌ 301 masa për parakalime të gabuara;
???? 1000 masa për qarkullim me shpejtësi tej normave të lejuara;
???? 32 masa për përdorim të celularit gjatë drejtimit të mjetit;
???? 14 masa për drejtim të mjetit nën efektin e alkoolit;
⛔️ 85 masa për mosvendosjen e rripit të sigurimit;
???? 58 masa për mosvendosjen e kaskës mbrojtëse;
⚠️ 297 masa për shkelje të tjera të Kodit Rrugor.
???? Gjatë javës janë pezulluar 3 leje drejtimi, për shkelje të ndryshme të rregullave të qarkullimit rrugor.
???? Kontrollet nga Policia Rrugore e Elbasanit do të vijojnë në të gjitha akset rrugore të qarkut, me qëllim parandalimin e aksidenteve, rritjen e sigurisë rrugore dhe ndëshkimin e çdo shkelësi të Kodit Rrugor.
???? Policia Rrugore apelon për të gjithë drejtuesit e mjeteve që të respektojnë rregullat e qarkullimit rrugor, të mos drejtojnë mjetin nën efektin e alkoolit, të respektojnë kufijtë e shpejtësisë dhe të përdorin pajisjet e sigurisë, për të mbrojtur jetën e tyre dhe të përdoruesve të tjerë të rrugës.