Last Updated on 04/12/2025 by Monika
Një stuhie e fuqishme e quajtur ‘Bajroni’ ka goditur dhjetëra rajone në të gjithë Greqinë.
Mediat greke raportojnë se banorët po përballen me përmbytje dhe ndërprerje të energjisë elektrike, teksa në rajonin e Atikës është njoftuar edhe mbyllja e shkollave për ditën e premte.
Stuhia shkaktoi edhe ndërprerje të sinjalistikave rrugore dhe mbyllje rrugësh.
Zjarrfikësit u thirrën në Elefsina, Aspropirgos dhe Pire për të ndihmuar banorët e bllokuar dhe për të menaxhuar përmbytjet. Atika Perëndimore regjistroi reshjet më të dendura, veçanërisht në Vlychada, Vilia dhe Salamina.
Stuhia Byron u zhvendos në Atikë rreth orës 5 pasdite të enjten, pasi shkaktoi pasoja më parë në Rodos, Zakinthos, Laconia, Kretë, Kefalonia, Maqedoni Qendrore, Thesalia dhe Evia dhe duke lënë pas lumenj të përmbytur, rrëshqitje toke dhe bllokim trafiku në rrugët kryesore./mxh