Last Updated on 28/06/2026 by EL
Një natë që duhet të ishte përplot me festë pas ndeshjes së Kupës së Botës, është shndërruar në një skenë krimi tronditëse në qytetin e Brockton, në shtetin amerikan të Masaçusetsit.
Pak para mesnatës të së premtes, qetësia u thye nga një shpërthim armësh, duke lënë të paktën katër persona të plagosur.
Ngjarja e rëndë Gjithçka ndodhi në momentin kur qindra tifozë të futbollit kishin mbushur rrugët e qytetit për të festuar pas përfundimit të ndeshjes midis Norvegjisë dhe Francës, e cila u zhvillua në stadiumin “Gillette” në Foxborough. Qytetarë të frikësuar bënë një numër të madh telefonatash drejt policisë lokale, duke raportuar për të shtëna masive në rrugë.
Bilanci dhe hetimet Oficerët e policisë që mbërritën me shpejtësi në vendngjarje gjetën katër persona me plagë të shkaktuara nga armët e zjarrit. Viktimat janë transportuar me urgjencë në spitalin më të afërt për të marrë ndihmën e nevojshme mjekësore, ndërsa mjekët ende nuk kanë bërë të ditur detaje mbi gjendjen e tyre shëndetësore.
Ndërkohë, forcat policore kanë bllokuar lagjen dhe kanë nisur një operacion masiv kërkimi për autorët. Deri në këto momente, nuk ka pasur asnjë njoftim për të dyshuar apo të ndaluar, ndërsa autoritetet po punojnë intensivisht për të zbardhur motivet e këtij incidenti të rëndë./ET