Regjimet e Rusisë dhe Iranit janë vëllezër në urrejtje, deklaroi presidentit ukrainas Volodymyr Zelensky, i cili sot, nga Londra, u përpoq të lidhë konfliktet që përfshijnë Moskën dhe Teheranin.
“Kjo është arsyeja pse ata janë vëllezër në ndarjen e armëve”, shtoi udhëheqësi i Kievit, duke akuzuar si forcat e Vladimir Putinit ashtu edhe ato të Republikës Islamike se përdorin inteligjencën artificiale për qëllime lufte për të “vrarë me kosto të ulët nga distanca të gjata”.
‘’Armët e regjimeve të themeluara mbi urrejtjen nuk mund të fitojnë kurrë, kurrë”, tha ai me zë të lartë, duke ofruar përsëri përvojën e Ukrainës në sistemet e përgjimit me kosto të ulët të dronëve si Shahed të Iranit, duke i ofruar ato me një çmim prej “më pak se 10,000 dollarësh” secili: shumë më pak se milionat e nevojshme për t’i rrëzuar ato duke përdorur avionë luftarakë ose armë të tjera mbrojtëse kundërajrore si raketat./mxh