Aktivistja shqiptare pranë Partisë Republikane dhe presidentit Trump, Evi Kokalari ka reaguar në rrjete sociale lidhur me praninë e Chris LaCivita krah Berishës ditën e sotme. Ky i fundit e prezantoi LaCivitën si drejtues të fushatës së PD-së në zgjedhjet parlamentare të 11 majit.
LaCivita më herët ka drejtuar fushatën e Trump në zgjedhjet e 5 nëntorit ku fitoi mandatin për tu rikthyer në Shtëpinë e Bardhë. Kokalari shkruan se Trump nuk fitoi nga LaCivita.
Ajo thotë se LaCivita është një konsulentë i paguar nga milionat e korrupsionit të opozitës. Në SHBA, sipas saj nuk ka njerëz më të pacipë se konsulentët e paguar.
Shkrimi i Evi Kokalarit në rrjete sociale:
Trump nuk fitoi nga Chris LaCivita.
Chris LaCivita është konsulent dhe nuk përfaqëson Trumpin në Shqipëri.
Trump fitoi nga mbështetja e vazhdueshme e bazës së tij besnike, dhe nga Elon Musk – shumica e të cilës, fut këtu dhe mua, ishin pjesë e 6 Janarit, atë ditë që Berisha na ka klasifikuar si ekstremist.
Chris LaCivita, falë fushatës së fundit të Trumpit që tashmë e ka në resume, po bën milliona të paguara nga korrupsioni i opozitës.
Në politikën Amerikane kemi një shprehje – nuk ka gjë më të ndyrë se konsulentët e paguar. Janë njerëzit më të pacipë
Gjithsesi, prezenca e Chris LaCivitas në Tiranë mund të ngrej moralin e opozitës, por jo shanset për fitore.
Në fakt, nëse Berishës i hiqet non grata, kuptoni që kjo është fasada për të mbuluar pagesën e rradhës, dhe fitorja e zgjedhjeve do përfundoi sërisht tek Rama, siç e kam parashikuar më parë.
Heshtja për Sazanin nga ana e Berishës, po i kthen dividentet e investimit./e.t
