TIRANË– Zëvendëskryeministrja, njëherësh Ministër i Infrastrukturës dhe Energjisë, Belinda Balluku ka inspektuar ecurinë e punimeve për rehabilitimin e aksit rrugor Kombinat-Ndroq-Plepa.
Ajo u shpreh se përfundimi i projektit do ta transferojë zonën dhe do t’i sjellë asaj zhvillim të madh në fushën e agro-turizmit.
Ministrja Balluku theksoi se plani për përfundimin e këtij aksi është maji i vitit 2026. Ky segment rrugor shtoi Balluku do jetë me parametra dhe standarde europiane.
“Kjo është një rrugë shumë e rëndësishme. E gjithë zona e Pezës, Ndroqit e deri në Plepa do të marrë një zhvillim tjetër. Ky është një nga kantieret më të rëndësishëm, që kemi aktualisht. Sipas planeve e kemi për ta dorëzuar në maj të 2026.”, tha Balluku./K.K
