Shqiptarja.com siguron një kopje të procesverbalit të BKH-së, gjatë kontrollit të banesës ku evidentohet se në dollapin e bashkëshortes së kryetarit të bashkisë Erion Veliaj janë gjetur veshje kryesisht ‘Zara’, një firmë shumë ekonomike.
TIRANE- Në dosjen e hetimit Prokuroria e Posaçme thotë se bashkëshortja e Ajola Xoxa në 6 vite ka blerë online mbi 860 mijë euro veshje dhe bizhuteri, shpenzime të cilat nuk i ka deklaruar. Pretendohet se online janë blerë veshje firmato nga bashkëshortja e kryebashkiakut Veliaj.
Por Shqiptarja.com siguron një kopje të procesverbalit të BKH-së, ku evidentohet se në banesë janë gjetur veshje kryesisht Zara, një firmë shumë ekonomike.
Në këtë dhomë, përballë me dollapët metalikë, gjendet dollapë material druri në brendësi të së cilës gjendet rroba kryesisht të markës Zara, këpucë femrash, shkruhet në procesverbalin e agjentëve të BKH-së gjatë kontrollit që kanë bërë që ka siguruar shqiptarja.com
Ndërkohë Kryebashkiaku Veliaj gjatë dëshmisë së tij në gjyq ka thënë se blerjet online janë veshje për aktorë e këngëtarë për të përdorur për videoklipe.
Ka shkruar në akt-akuzën haluçinante se ime shoqe ka harxhuar mbi gjysëm milionë euro për blerje online fustanësh dhe bizhuterish. Ky pervers, që më pyeste mua për fustanet e gruas dhe më tregonte gjatë marrjes në pyetje se si shkonte kontrollonte gruan e tij në punë, nuk ka dashur t’ia dijë për shpjegimet e mia dhe të sime shoqeje. Blerjet online janë të gjitha të deklaruara dhe në një shumë disa herë më të vogël, janë bërë për shfaqjet artistike të fondacionit kulturor të sime shoqeje. Faturimi i asaj shume në një akt-akuzë, si një lumë parash i derdhur për luks, është një perversitet kriminal.
Fakt i konfimuar dhe nga dokumenti i agjentëve të BKH-së të cilët kanë konstatuar se gjatë kontrollit që është bërë në banesën e Ajola Xoxës nuk janë gjetur veshje luksi.
Edhe në reagimin e sotëm Kryebashkiaku Veliaj hodhi edhe njëherë poshtë akuzat që SPAK ka ngritur ndaj tij. Për blerjet online nga Ajola Xoxa të fustaneve, Veliaj i përgjigjet kështu: Për 1 milion Euro mall duhet një dyqan si ai i brekëve dhe sutjenave të nuses së Sali fundërrinës në Bllok apo jo?”.
Unë i mirëkuptoj të gjithë ata që neveriten kur shikojnë se si dalin nga gjirizet mediatike fustanët e sime shoqeje. Por, a ma thotë dot kush, ku është maunia me gati 1 milion Euro mall?
Se për 1 milion Euro mall duhet një dyqan si ai i brekëve dhe sutjenave të nuses së Sali fundërrinës në Bllok apo jo? Përderisa edhe lavamanët i shkulën nga vendi në gjithë ambientet në Tiranë e në Golem, për të kërkuar ndonjë varëse floriri të fshehur, në mure e dysheme, ku dihet botërisht se jetojmë në pallat të ndërtuar në vitin 2012 (kam hyrë në atë apartament kohë më parë se sa të bëhesha kryetar bashkie, leje e Komunës Farkë e Bardh Plakut, as e dhënë nga unë vetë), atëherë duhet t’i kishin provat materiale besoj, apo jo? Kanë blerjet online do thoni ju.
Por, ja që e vërteta nuk është ashtu si thotë prokurori i fiksuar pas fustanëve të gruas time, që gjatë intervistës më tregonte se si kontrollonte gruan e tij dhe më pyeti edhe “çfarë hamë?”.
Po po, e lexuat mirë, çfarë hani ju tha! Pa merak, se do ju’a tregoj edhe këtë, këtu jemi! U pa puna, ata me letra anonime dhe metoda sigurimse, unë me letra nga burgu, ku më morën peng pa gjyq”-shkruan Veliaj.
Lajmi në përditësim…
