Analisti Skënder Minxhozi komentoi ecurinë e procesit të primareve në Partinë Demokratike.
Sipas tij, kjo është një garë formale dhe e paracaktuar. Minxhozi u shpreh se për Berishën nuk ka rëndësi sesi del PD-ja në zgjedhje, por vetëm të jetë partia e tij.
“Tregojnë se është një garë formale e paracaktuar. Primaret i shtyu pafund dhe i solli në një fazë ku njerëzit duhet të kishin marrë detyrat në terren dhe të kishin nisur me detyrat. Jemi vite drite larg se çfarë përjetohej asaj kohe nga foltorja dhe këtu erdhi dhe u instalua Berisha bëri atë që ne e kemi pritur ende pa u shkrepur fotoja e parë e këtij procesi. Kudo ku është Berisha nuk ka prirje për një sjellje tjetër.
Ofron vetëm këtë lloj zgjedhje dhe perceptimi. Historinë e shkuar e ka të ngarkuar me viktima dhe njerëz të përjashtuar. Sot atij i ka mbetur vetëm ata që i garantojnë mbajtjen e partisë. Ai ka marrë partinë dhe nuk ka shumë rëndësi sesi del PD- ja vetëm të jetë partia e tij. Vendi i tretë do dylbi që ta shohësh.”/E.T
