“Mami” dhe “gocë Tirone” janë dy nga frazat që e bëjnë më së shumti krenare Jorida Tabakun. Duke u ndalur tek e para si një nënë e tre fëmijëve, binjakeve Arba e Iris dhe djalit, Dren, deputetja e PD ndan me programin “Rudina” në Tv Klan sfidat e mëmësisë.
Me shumë thjeshtësi, Jorida shprehet se nuk bën asgjë të jashtëzakonshme apo të ndryshme nga nënat e tjera. Rrugëtimi i mëmësisë ka qenë me mësime që nuk kanë ardhur prej këshillave, por prej përjetimeve. Përjetimi i shtatzënisë së parë me binjaket ka qenë i paharrueshëm, sidomos nga reagimi i të atit.
Jorida Tabaku: Ka qenë një nga momentet më të bukura të jetës sime, nuk kam për ta harruar kurrë. Ka qenë një emocion i veçantë ku morëm vesh që ne prisnim binjake. Unë dhe bashkëshorti im, Saimiri e kishim marrë vesh dhe ia kisha thënë vetëm sime motre, prisnim që të kalonin pak ato javët e para derisa ta ndanim me të tjerët. Për mua momenti më i bukur ka qenë kur e mori vesh babi i cili mbushi sytë me lot që është një person që ti mendon që është kaq i ftohtë dhe që kur u prek në atë moment, ka qenë një nga momentet më të bukura për mua, nuk kam për ta harruar kurrë.
Ardhja e Drenit e vendosi përballë disa mendimeve nëse dashuria, e cila ishte përqendruar te vajzat, do të mjaftonte për të tre, por ai ia vodhi zemrën menjëherë.
Jorida Tabaku: Kur unë kam marrë vesh që prinim vajza binjake unë mendova që ne e kurorëzuam dhe familja do të ishte aq. Sigurisht që isshim jashtëzakonsiht të kënaqur dhe ne të gjitëhë lodhjen, energjinë, dashurinë e projektuam tek Arba dhe tek Irisi. Në momentin kur mora veh që do të vinte edhe Dreni, pyeta veten a do t’i dua të tre njësoj sepse ishte një eksperiencë komplet e re por Dreni është një dashuri dhe nuk di që të ketë djalë dhe gjithë nënat e djemve e dinë sesi e rrëmben zemrën dhe nuk di të ketë djalë që mos ta dojë nëna apo babai në atë mënyrë./tvklan.al/E.S
