Fluks rekord udhëtarësh në Portin e Durrësit gjatë gushtit

113 563 lexime

124,178FansaPëlqeje

Porti i Durrësit po përjeton një nga periudhat më intensive të këtij sezoni veror, me një fluks të lartë udhëtarësh dhe automjetesh që hyjnë dhe dalin nga vendi.

Terminali i pasagjerëve, që nga orët e para të mëngjesit e deri në mbrëmje, është i mbushur me qytetarë, duke e shndërruar portin në një nga nyjat më të frekuentuara të qarkullimit ndërkombëtar.

Sipas të dhënave zyrtare, vetëm në dy javët e para të muajit gusht, përmes Portit të Durrësit kanë lëvizur gjithsej 117 mijë e 6 udhëtarë dhe 31 mijë e 602 automjete. Këto shifra konfirmojnë intensitetin e qarkullimit dhe rolin kyç të këtij porti, sidomos gjatë periudhës së kthimit masiv të emigrantëve shqiptarë për pushime në atdhe.

Për të përballuar këtë volum të shtuar, Administrata Doganore Shqiptare ka vënë në gatishmëri kapacitete të plota, duke angazhuar staf shtesë dhe duke punuar me turne të zgjeruara.

Sipas autoriteteve, masat e ndërmarra kanë për qëllim garantimin e një procesi të organizuar, efikas dhe të sigurt, si për udhëtarët, ashtu edhe për automjetet që kalojnë përmes portit.

Me afrimin e pikut të sezonit turistik, pritet që fluksi në Portin e Durrësit të vijojë të mbetet i lartë, duke e konsoliduar atë si portën kryesore të hyrjes dhe daljes detare të Shqipërisë./e.t

Të fundit

Mero Baze: Fatmir Mediu është simboli i shkëlqyer i opozitës së sotme

Fatmir Mediu është shembulli më i shkëlqyer që mund të identifikohet me opozitën e sotme. Ai është identiteti i...

Ministri izraelit kërkon që Gaza të aneksohet nëse Hamasi nuk dorëzohet

Ministri izraelit i Financave, Bezalel Smotrich, i bëri thirrje Qeverisë së tij që të nisë aneksimin e pjesëve të Rripit të Gazës nëse Hamasi...

Universiteti i Tiranës mbetet më i preferuari për maturantët

Universiteti i Tiranës është zgjedhur nga mbi 60% e maturantëve për vitin e ri akademik 2024–2025. Vetëm një ditë para shpalljes së kandidatëve fitues nga...

SHBA, plan për kufizimin e vizave për studentë dhe gazetarë

Qeveria e SHBA-së do të ashpërsojë edhe më tej rregulloren për lejen e qendrimit për të huajt. Tani janë në fokus të Ministrisë për...

Gjermania: Putini dhe Zelensky nuk do të takohen

Kancelari gjerman i është bashkuar dënimit të sulmeve të Rusisë në Kiev nga udhëheqësit evropianë. Sipas mediave të huaja, Friedrich Merz tha se pas sulmit...

Lajme të tjera

Web TV