Last Updated on 21/11/2025 by Kesjana
Gjykata e Posaçme do të zhvillojë më 22 nëntor, në orën 09:00, seancën gjyqësore për marrjen në pyetje dhe verifikimin e kushteve të masës së sigurisë ndaj Belinda Ballukut, Gentian Gjylit dhe Erald Elezit.
GJKKO thekson se tre të pandehurit janë pjesë e procedimit penal nr. 136/2025 të SPAK-ut, që lidhet me procedurat e tenderave për tunelin e Llogarasë dhe Unazën e Madhe të Tiranës.
Gjykata e Posaçme vendosi një ditë më parë masën e pezullimit nga detyra për Belinda Ballukun si dhe i bllokoi pasaportën.
Ndërsa për Gentian Gjylin dhe Erald Elezin u vendos masa e sigurisë arrest shtëpie./kb