Vllaznia e mbylli gjysmën e parë të sezonit të rregullt në Superiore në vendin e katërt, me 30 pikë pas 18 javësh.
Shkodranët kanë realizuar 24 gola, duke pasur sulmin e dytë më të mirë të kampionatit, pas Dinamos. Mbrojtja renditet e pesta, me 16 gola të pësuar.
Nga 30 pikët totale, 19 janë marrë në fazën e parë, ku Vllaznia kryesonte renditjen, ndërsa në fazën e dytë ka grumbulluar vetëm 11 pikë.
Diferenca me vendin e parë, që mbahet nga Egnatia, është aktualisht 7 pikë. Forca kryesore e Vllaznisë kanë qenë ndeshjet në shtëpi. Vështirësitë kryesore janë hasur në transfertë, ku rezultatet kanë qenë të kufizuara./mxh