Gjykata e Lartë e Izraelit ka ndaluar hetimin që po bënte kreu i Kontrollit të Shtetit, Matanyahu Englman, për sulmet e Hamasit më 7 tetor 2023, ku humbën jetën shumë njerëz.
Me këtë vendim, Englman nuk mund të thërrasë zyrtarë për të dëshmuar, nuk mund të kërkojë dokumente dhe nuk mund të publikojë raportin e tij, as edhe një version paraprak.
Gjykata tha se një ngjarja e tillë katastrofike duhet të hetohet nga një komision shtetëror i pavarur dhe jo vetëm nga Kontrolli i Shtetit, që është i emëruar nga qeveria.
Organizata “Lëvizja për Cilësinë e Qeverisjes” tha se hetimi i Kontrollit të Shtetit mund të dëmtonte provat, të shkelte të drejtën e njerëzve për një gjykim të drejtë dhe të pengonte krijimin e një komisioni hetimor të plotë.
Ky vendim ka shkaktuar debate në Izrael, sepse ngre pikëpyetje për transparencën e qeverisë dhe mënyrën se si institucione të ndryshme po përgjigjen për tragjedinë e 7 tetorit./KM