Kryeministri Edi Rama ndodhet në Abu Dhabi, në kuadër të samitit të Javës së Qëndrueshmërisë. Rama ka ndarë në rrjetet e tij sociale, pamje nga vizita e tij në Pallatin Presidencial të Abu Dhabit.
Siç shihet edhe në pamje, Rama u prit nga Presidenti i Emirateve të Bashkuara, Sheikh Mohammed bin Zayed Al Nahyan, ku ky i fundit i ka dhënë kreut të qeverisë edhe një dhuratë të çmuar, medaljen më të lartë të vendit arab.
“MIRËMËNGJES dhe me videokartolinën e një momenti të paharrueshëm në Pallatin Presidencial të Abu Dhabit, ju uroj një ditë të mbarë”, thuhet në postimin e Ramës. /Kb