Kujtim Cakrani, avokati i ish-presidentit Ilir Meta, ka ndarë një reagim lidhur me transferimin e Kadastrës së Vlorën drejt Tiranës.
Përmes një video-postimi në rrjetet sociale, Cakrani ka ironizuar kryeministrin Edi Rama, se me këtë akt, qeveria që drejtohet prej tij i ka hequr banorëve shumë nga njësitë e institucioneve.
“U kënaqëm shumë që kryeministri i dashur i vlonjatëve ju hoqi edhe hipotekën. Më parë ju hoqi sheshin e flamurit, ju hoqi portin, ju hoqi sazanin, zvernecin, ju hoqi të gjitha drejtësitë, ju hoqi Gjykatën e Apelit dhe tani, së fundmi, edhe hipotekën.
Por një gjë, kryeministri ua ka lënë skllavëve, sepse vlonjatët janë skllavë të partisë. Unë jam shumë i kënaqur, ua ka lënë çmendinën. Çmendina nuk ua lëviz nga Vlora, o njerëz! Aty e keni, do t’ju lërë kryeministri. O do t’ju çojë të gjithëve ai në çmendinë, ose ai nuk ikën pa çuar të gjithë vlonjatët në çmendinë.’- u shpreh Cakrani./Kb