Last Updated on 25/02/2026 by Anisa
Oficerët grekë të FBI-së kryen një bastisje të re në qelitë ku mbahen kriminelë të rrezikshëm në burgun e Domokos.
Sipas mediave greke, mes qelive të kontrolluara ishin ajo e të burgosurit shqiptar Alket Rizai, si dhe e një tjetër krimineli i njohur shqiptar me nofkën “Sandri”, i cili ishte organizatori kryesor i transportit të 1,2 tonëve kokainë në Astakos, Aitoloakarnania, nga Karaibet, në janar 2020.
Oficerët e FBI-së gjetën telefona celularë, karikues dhe thika të improvizuara, të cilat i konfiskuan.
Ndërkohë vazhdojnë hetimet për vrasjen e një të burgosuri të rrezikshëm, Antonis Papadatos, brenda ish-zyrës së kryerojes në burgun e Domokos, vend i cili nuk ishte i dukshëm nga kamerat e sigurisë.
Ndërkohë që është arrestuar një tjetër i burgosur me shtetësi bullgare, i dyshuar si autor i të shtënave, si dhe një Arkivist, Protothema shkruan se nuk përjashtohet mundësia e lëshimit të një urdhri arresti të ri gjatë zhvillimit të hetimeve.
Sipas informacioneve, Alket Rizai dyshohet se ishte i pranishëm në vendngjarje, por ai e mohon këtë.