Partia Laburiste në United Kingdom ka pësuar një humbje të rëndë zgjedhore përballë Green Party of England and Wales në një zonë që e kishte dominuar për afro një shekull.
Rezultati në rajonin veriperëndimor të Greater Manchester konsiderohet si një goditje e fortë për laburistët dhe një sinjal i qartë i fragmentimit të politikës tradicionale dypartiake në Britani. Humbja e një bastioni historik shton presionin ndaj kryeministrit Keir Starmer, i cili prej javësh përballet me kritika dhe thirrje për dorëheqje pas trazirave të brendshme në parti.
Sipas rezultateve, Partia e Gjelbër siguroi 40.7% të votave, duke dalë forcë e parë. Reform UK u rendit e dyta me 28.7%, ndërsa Laburistët morën vetëm 25.4% të votave. Në zgjedhjet e vitit 2024, Laburistët kishin fituar mbi gjysmën e votave në këtë zonë.
Votues të Partisë së Gjelbër deklaruan se e mbështetën këtë forcë si një votë proteste për të ndalur rritjen e së djathtës së Reform UK, por edhe për shkak të zhgënjimit me performancën e Laburistëve gjatë dy viteve të fundit.
Rezultati shihet si një sinjal alarmi për qeverinë britanike dhe si tregues i rritjes së alternativave politike jashtë dy partive tradicionale që kanë dominuar historikisht skenën politike në vend./mxh