Last Updated on 13/03/2026 by Anisa
Kryeministri Edi Rama njoftoi gjatë një konference për gazetarët këtë të premte se qeveria shqiptare do të shpallë së shpejti Iranin si shtet sponsor të terrorizmit. Ai shtoi gjithashtu se javën që vjen edhe Hezbollah dhe Garda Republikane do të shpallen organizata terroriste nga Republika e Shqipërisë.
Duke folur edhe për një temë tjetër, mbi ndërtimin e Portit të Ri të Durrësit, Rama tha se të gjitha forcat e brendshme dhe të jashtme që po përpiqen ta sabotojnë këtë projekt dhe të nënshtrojnë Republikën e Shqipërisë “do të mbeten me gisht në gojë”.
“Në javën që vjen, Parlamenti i Shqipërisë do të votojë një rezolutë për ta shpallur Republikën Islamike të Iranit shtet sponsor të terrorizmit. Bashkë me këtë do të shpallen organizata terroriste Garda Revolucionare e Iranit dhe Hezbollahu.
Në këto hapa nuk jemi pionierët, sepse ka pasur të tjerë më parë, partnerë, aleatë dhe miq që e kanë hedhur këtë hap, por është koha që edhe ne ta bëjmë këtë gjë.
Kriza po shfaqet në të gjithë botën dhe po shfaqet edhe këtu si rezultat i rritjes së çmimit të naftës”, u shpreh Rama.