Kendall Jenner dhe Jacob Elordi janë përfshirë në spekulime të reja për një lidhje të mundshme, pasi burime pranë tyre pretendojnë se dyshja kanë kaluar kohë së bashku në mënyrë të qetë dhe diskrete gjatë muajve të fundit.
Sipas raportimeve, modelja dhe aktori kanë qenë “duke u njohur dhe duke kaluar kohë bashkë” pa e bërë publike marrëdhënien e tyre. Thashethemet u intensifikuan pas daljes së tyre në të njëjtat evente, përfshirë fundjavën e parë të festivalit Coachella, ku fansat vunë re afrimin e tyre.
Dyshja nuk janë të panjohur për njëri-tjetrin. Jacob Elordi ka marrë pjesë në festën e ditëlindjes së Kendall Jenner në vitin 2022, ndërsa së fundmi u panë duke biseduar gjatë Vanity Fair Oscar Party.
Sa i përket jetës personale, Jenner njihet për ruajtjen e privatësisë së marrëdhënieve të saj. Ajo ka qenë më parë në një lidhje me Bad Bunny, ndërsa më herët ka pasur romanca me emra si Devin Booker Ben Simmons apo Harry Styles.
Nga ana tjetër, Jacob Elordi ka mbajtur një profil të ulët për jetën sentimentale, megjithëse është lidhur më parë me figura si Zendaya dhe Joey King.
Deri tani, asnjëri prej tyre nuk ka konfirmuar publikisht një lidhje, por interesi i fansave dhe mediave vazhdon të rritet, duke e bërë këtë një nga historitë më të përfolura të momentit në botën e showbiz-it./mxh