Eva Longoria ka zbuluar një nga rregullat më të qarta që ka vendosur për djalin e saj, Santiago-n. Edhe pse 8-vjeçari është bërë kurioz për serialin që i dha famë nënës së tij, ai nuk do të ketë mundësi ta shohë “Desperate Housewives” për shumë vite.
Longoria, e cila interpretoi Gabrielle Solis për tetë sezone, tregoi se djali i saj është fiksuar së fundmi pas memeve që lidhen me personazhin e saj. Kjo ka bërë që Santiago ta pyesë vazhdimisht se kur mund ta ndjekë serialin e famshëm.
Përgjigjja e aktores është kategorike. Kur djali e pyet “Kur mund ta shoh?”, Longoria i përgjigjet thjesht: “Kurrë!”.
Arsyeja nuk është se aktorja dëshiron ta mbajë të fshehtë karrierën e saj. Problemi qëndron te vetë përmbajtja e “Desperate Housewives”, i cili përmban tema dhe skena që Longoria i konsideron të papërshtatshme për moshën e djalit të saj.
Mes elementeve që e bëjnë serialin të papërshtatshëm për të është edhe historia e Gabrielle Solis dhe marrëdhënia e saj jashtëmartesore me kopshtarin e ri. Për një fëmijë 8-vjeçar, Longoria duket se preferon ta shtyjë sa më shumë momentin e njohjes me këtë pjesë të karrierës së saj.
Ndërkohë, aktorja ka gjetur një alternativë për ta bërë djalin e saj të lumtur. Në vend të serialit, Santiago mund të ketë një tjetër eksperiencë argëtuese: të shkojë me të në koncertin e ardhshëm të Bruno Mars.
Kështu, ndërsa “Desperate Housewives” mbetet një nga projektet më të rëndësishme të Longorias, duket se për momentin ai do të vazhdojë të jetë jashtë listës së programeve që mund të shohë djali i saj./mxh