Last Updated on 20/10/2026 by Klara
Pas humbjes së rëndë në shtëpi kundër Lazio, te Juventusi konfirmojnë se trajneri Luciano Spalletti do të vazhdojë në detyrë, ndonëse klubi pret një kthesë të shpejtë në ndeshjet e radhës kundër Rennes në Europa League dhe atyre në kampionat ndaj Lecce dhe Genoa.
Gjatë bisedimeve mes pronarëve dhe drejtuesve, situata është shqyrtuar në 360 gradë duke marrë parasysh edhe skenarin më të keq në rast se ky rikuperim i kërkuar nuk do të realizohet. Nëse situata bëhet e parikuperueshme në një afat të shkurtër, tifozët do të pranonin vetëm emrin e Antonio Conte, një lëvizje kjo që vështirëson planet e klubit pasi nuk e parashikojnë rikthimin e tij në këtë fazë.
Si një zgjidhje e përkohshme po qarkullon emri i Stefano Pioli, i cili si ish-lojtar bardhezi ka regjistruar 62 paraqitje dhe 4 trofe mes viteve 1984 dhe 1987. Një emërim i mundshëm i Pioli-t mund të shërbejë vetëm si një tranzicion, duke çuar drejt një revolucioni të ri gjatë verës së ardhshme.
Përjashtuar rastin e një marrëveshjeje me Conte, klubi do të mbërrinte në vitin 2027 me nevojën për një trajner të ri rreth të cilit do të ndërtohet projekti i ri sportiv, ku pëlqehen veçanërisht Simone Inzaghi dhe Francesco Farioli.
Ish-trajneri i Inter ndodhet në sezonin e tij të dytë te Al Hilal dhe mund të dëshirojë rikthimin në Europë pas përfundimit të kontratës në fund të këtij sezoni, ndërsa Farioli, aktualisht në krye të Porto-s, mund të ketë eksperiencën e tij të parë si trajner kryesor në Itali pas sezoneve pozitive te Nice dhe Ajax.
Së fundmi, vëmendje i kushtohet edhe Vincenzo Italiano-s, i cili në të kaluarën ishte pranë Milan dhe Napoli, por që aktualisht ka një kontratë me Besiktas deri në vitin 2028 dhe mund të tundohet nga një ftesë e Juventus./k.m