Një moment i ëmbël familjar dhuroi Adam Levine për publikun e tij gjatë një koncerti, kur këngëtari u përkul nga skena dhe puthi vajzën e tij 9-vjeçare.
Gjatë performancës live të Maroon 5 në festivalin BST Hyde Park në Londër, më 3 korrik, ndërsa këndonte hitin “Girls Like You”, Levine iu afrua bashkëshortes së tij, Behati Prinsloo, e cila mbante në krahë vajzën e tyre 9-vjeçare, Dusty Rose.
Këngëtari e përkëdheli vajzën në kokë dhe i dha një puthje, në një moment që u filmua dhe më pas u publikua në rrjetet sociale.
Adam Levine dhe bashkëshortja e tij shihen për herë të parë pas skandalit të tradhtisë
Artisti dhe modelja e Victoria’s Secret janë të martuar që prej vitit 2014 dhe së bashku kanë tre fëmijë: Dusty Rose, 8-vjeçaren Gio Grace dhe një djalë 3-vjeçar.
Në një intervistë për revistën People në dhjetor të vitit 2023, Adam Levine kishte folur për rëndësinë që ka familja e tij në jetën e tij.
“Familja ime do të thotë më shumë se karriera ime. Në të njëjtën kohë, të kem të dyja është një dhuratë. Mendoj se nuk i vlerëson vërtet gjëra të tilla derisa të rritesh pak. Sa më shumë kalojnë vitet, aq më emocional bëhem”, ishte shprehur ai.
Nga ana tjetër, Behati Prinsloo kishte zbuluar në një intervistë për E! News se dy vajzat e tyre kënaqen duke e parë atë teksa ecën në pasarelën e Victoria’s Secret.
“Për vajzat është gjithmonë argëtuese të shohin krahët dhe gjithë atë shkëlqim”, kishte thënë ajo, duke shtuar se për momentin ato nuk tregojnë interes për të ndjekur profesionin e prindërve të tyre.
“Janë ende shumë të vogla dhe nuk mendoj se po mendojnë se çfarë do të bëjnë në të ardhmen. Në këtë periudhë, vajza ime e madhe thotë se dëshiron të bëhet piktore ose të luajë basketboll”, kishte përfunduar Prinsloo./mxh