Brukseli u mbulua të martën me dëborë, me rreth pesë centimetra trashësi dhe me paralajmërim kombëtar për rrugë të rrëshqitshme nga shërbimi meteorologjik belg.
Pasi reshjet bënë qytetin pothuajse të boshatisur, pak banorë dhe turistë u panë në sheshin historik Grand Place, duke treguar ndikimin e drejtpërdrejtë të dëborës në jetën e përditshme.
Autoritetet parashikojnë se reshjet do të vazhdojnë, duke shkaktuar anulime të fluturimeve, vonesa në linjat hekurudhore dhe bllokime në rrugë në të gjithë Europën. Meteorologët paralajmërojnë një përkeqësim të i ftohtit, me dëborë të rëndë që mund të ndikojë për disa ditë rradhazi në transport dhe lëvizje.
Qytetarët këshillohen të tregojnë kujdes maksimal në qarkullim dhe të shmangin udhëtimet e panevojshme gjatë ditëve në vijim./mxh