Mbrëmjen e kësaj të mërkure do të zhvillohen nëntë ndeshjet e mbetura të raundit të katërt në fazën e ligës së Champions League.
Real Madrid do të zhvillojë një transfertë delikate në Athinë përballë AEK-ut, në një sfidë ku madrilenët vijnë me pikë të plota dhe shihen si favoritë absolutë. Në krahun tjetër, skuadra greke kërkon reagimin pas dy humbjeve radhazi të pësuara në këtë kompeticion europian.
Një tjetër transfertë interesante e orës 18:45 do të jetë ajo e Liverpool, me anglezët që sfidojnë Fenerbahce në Turqi. Skuadra e drejtuar nga Iraola synon të ruajë ecurinë perfekte pas nëntë pikëve të grumbulluara në tre raundet e para.
Në duelet e mbrëmjes të planifikuara për në orën 21:00, Arsenal kërkon rikthimin te fitorja në Çeki ndaj Slavia Pragës, pas barazimit të fundit kundër Bayern Munich.
Manchester City do të kërkojë suksesin e radhës në transfertën gjermane përballë Leipzig, pas fitores së thellë 5-1 ndaj AEK-ut që e çoi në kuotën e gjashtë pikëve.
Kalendari i raundit të katërt plotësohet me sfidat e luftuara Porto-Napoli dhe Dortmund-Betis, si dhe me përballjet Lens-Como, PSV-Club Brugge dhe Viking-Sabah./k.m