Një pjesë e Colosseumit në Romë, e cila kishte shembur me kalimin e shekujve, është rikthyer për qytetarët dhe vizitorët me hapjen e katër korridoreve të reja dhe një sheshi të ri përreth monumentit historik.
Arkitekti i projektit, Stefano Boeri, tha se kjo do t’i lejojë vizitorët të ndihen brenda monumentit pa qenë vërtet brenda tij, duke e përjetuar nga perimetri i strukturës origjinale.
Drejtori i Parkut Arkeologjik të Colosseumit, Simone Quillici, shtoi se operacioni është rezultat i një ekskavimi arkeologjik disa vjet më parë, i cili zbuloi themelet e korridoreve të jashtme jugore të Colosseumit.
“Idetë tona janë që sheshi të jetë shumë i gjallë dhe i mbushur me njerëz,” tha Quillici. Ai shtoi se në sezonet e mesme ose gjatë verës, kur nuk është shumë nxehtë, mund të organizohen aktivitete kulturore dhe performanca në këtë hapësirë.
Ky projekt i ri synon jo vetëm të rikthejë një pjesë të trashëgimisë historike të Romës, por edhe të japë jetë dhe energji në një nga atraksionet kulturore më të mëdha në botë./mxh