Avioni me të cilin po udhëtonte presidenti ukrainas Volodymyr Zelensky drejt Oslos mësohet se është përballur me një situatë të rrezikshme, pasi një dron ishte pranë tij gjatë fluturimit, bëri të ditur kryeministri norvegjez Jonas Gahr Store.
Incidenti dyshohet se ka ndodhur dje në mbrëmje, ndërsa Zelensky po udhëtonte nga Moldavia drejt kryeqytetit norvegjez për të marrë pjesë në ceremoninë mortore të mbretit të ndjerë Harald V.
“Ky është realiteti në të cilin ai gjendet”, tha Store, sipas transmetuesit norvegjez NRK. Kryeministri norvegjez nuk dha detaje të tjera mbi incidentin.
Autoritetet ukrainase dhe vetë Zelensky nuk kanë komentuar deri tani mbi ngjarjen./k.m