Të paktën katër persona janë në gjendje kritike pasi një shofer përplasi makinën e tij mbi 10 këmbësorë në ishullin francez Ile d’Oleron, siç raportohet në mediat e huaja.
I dyshuari, i identifikuar si një 35-vjeçar, u akuzua për dyshime për tentativë vrasjeje dhe akuzohet se me dashje ka goditur me makinë njerëzit në ishullin turistik. Ai udhëtoi midis dy fshatrave përpara se të godiste viktimat, përfshirë një vajzë të re, përpara se të imobilizohej me një armë elektrike gjatë ndalimit të tij, sipas kryetarit të bashkisë së Dolus d’Oleron, Thibault Brechkoff.
I dyshuari braktisi automjetin, të cilin më pas u përpoq t’i vinte flakën pasi një bombol gazi u gjet në pjesën e pasme të makinës, përpara se të përpiqej të ikte, sipas Brechkoff.
I dyshuari po mbahet nga policia në Saint-Pierre-d’Oleron, megjithatë, autoritetet antiterror nuk janë caktuar për çështjen.
Incidenti ndodhi në Ile d’Oleron, ishullin e dytë më të madh të Francës, me dëshmitarë që pretendojnë se kanë parë një sërë incidentesh që ndodhën në disa zona, përpara se të përfundonin jashtë një furre buke./K.M