Elbasani u rikthye te fitorja në Superiore pas katër ndeshjeve pa sukses, duke mposhtur Dinamon me rezultatin 2-0.
Sfida direkte për zonën e sipërme të renditjes u vendos nga dopieta e sulmuesit Ibrahima Diallo. Verdheblutë kaluan në avantazh që në minutën e 5-të, pas një gabimi të portierit Aldo Teqja.
Në minutën e 25-të, Diallo realizoi golin e dytë, duke përfituar nga topi i kthyer pas një penalltie të humbur.
Pjesa e parë u mbyll me avantazhin e dyfishtë të Elbasanit. Në fraksionin e dytë, loja ishte më e qetë dhe me pak raste shënimi.
Me këtë fitore, Elbasani mban vendin e tretë me 38 pikë. Dinamo mbetet në vendin e katërt me 33 pikë, duke pësuar humbjen e dytë radhazi./mxh