Franca po organizon sot një takim të ministrave të financave, energjisë dhe bankave qendrore të G7, një grup i vendeve më të industrializuara,për të diskutuar situatën aktuale të shkaktuar nga lufta në Iran dhe efektet e saj në Lindjen e Mesme dhe ekonominë globale.
Kjo është “hera e parë në 50 vjet” që një takim i G7-ës është mbajtur me një përbërje të tillë, me pjesëmarrjen e njëkohshme të të gjitha këtyre autoriteteve politike dhe monetare, siç deklaroi Ministri Francez i Ekonomisë, Roland Leskier, kur njoftoi takimin javën e kaluar.
Takimi, i cili do të mbahet nëpërmjet video-konferencës, pritet të fillojë në orën 13:00 sipas orës lokale. Siç theksoi Leskire, ne po kërkojmë të “kuptojmë se çfarë po ndodh”. Shtetet e Bashkuara kanë kërkuar mbështetjen e G7-ës për të ndihmuar në heqjen e bllokadës iraniane të Ngushticës së Hormuzit, një korridor kritik detar për tregtinë e naftës dhe mallrave të tjera thelbësore.