Kulla e Pjerrët e Pizës filloi të anohej pak kohë pasi nisën punimet e ndërtimit në vitin 1173, kur kishte arritur vetëm në katin e tretë. Problemi lindi sepse themelet e saj, rreth tre metra të thella, u ndërtuan mbi një tokë të paqëndrueshme të përbërë nga rërë dhe llum.
Ndërtuesit u përpoqën të korrigjonin pjerrësinë duke i bërë muret më të larta në anën ku kulla po fundosej, por pesha shtesë e përkeqësoi animin.
Ndërtimi zgjati 199 vjet për shkak të disa ndërprerjeve, duke i dhënë kohë tokës të ngjeshej natyrshëm dhe duke ndihmuar në stabilizimin e strukturës. Në vitin 1990 nisën punimet restauruese për të përforcuar themelet dhe për të zvogëluar pjerrësinë në rreth katër gradë.
Sot, Kulla e Pjerrët e Pizës mbetet e qëndrueshme dhe vazhdon të jetë një nga monumentet më të njohura në botë./ad
