Last Updated on 01/02/2025 by adminfjala
Policia në Kukës lajmëron se ka arrestuar një shtetas, për kontrabandë. Gjatë kontrolleve në aksin rrugor Shishtavec-Kukës, Policia ndaloi automjetin tip “Renault” me drejtues R. B. Nga kontrolli, në automjet u gjetën mallra elektrike dhe ndërtimi, të cilat dyshohet se u futën në territorin shqiptar jashtë pikës doganore. Mallrat dhe automjeti u sekuestruan në cilësinë e provës materiale.
Gjithashtu janë prangosur edhe dy të rinj, pasi iu gjetën lëndë narkotike.
“Në hyrje të Shqipërisë, në PKK Morinë, shërbimet e Policisë Kufitare, në bashkëpunim me Seksionin për Hetimin e Narkotikëve, arrestuan në flagrancë shtetasit B. S., 24 vjeç, dhe E. O., 25 vjeç, banues në Kosovë, për veprën penale “Trafikimi i narkotikëve”, kryer në bashkëpunim”, thuhet në njoftim.
“Goditen dy raste të paligjshmërive nga strukturat e DVP Kukës dhe DVKM Kukës, arrestohet një shtetas për kontrabandë dhe dy shtetas për trafikim narkotikësh. Sekuestrohen mallra kontrabandë, lëndë narkotike dhe dy automjete.
U arrestua shtetasi Rahmet Bejzai për kontrabandë, si dhe shtetasit Bleron Susuri dhe Erzan Ozi, për trafikim narkotikësh.
* Specialistët e Seksionit për Hetimin Ekonomik e Financiar në DVP Kukës, në bashkëpunim me shërbimet e Forcës së Posaçme “Shqiponja”, arrestuan në flagrancë shtetasin R. B., 43 vjeç, banues në Kosovë, për veprën penale “Kontrabanda me mallra të tjera”.
Gjatë kontrolleve në aksin rrugor Shishtavec-Kukës, Policia ndaloi automjetin tip “Renault” me drejtues R. B. Nga kontrolli, në automjet u gjetën mallra elektrike dhe ndërtimi, të cilat dyshohet se u futën në territorin shqiptar jashtë pikës doganore. Mallrat dhe automjeti u sekuestruan në cilësinë e provës materiale.
* Në hyrje të Shqipërisë, në PKK Morinë, shërbimet e Policisë Kufitare, në bashkëpunim me Seksionin për Hetimin e Narkotikëve, arrestuan në flagrancë shtetasit B. S., 24 vjeç, dhe E. O., 25 vjeç, banues në Kosovë, për veprën penale “Trafikimi i narkotikëve”, kryer në bashkëpunim.
Dy shtetasit udhëtonin me automjetin tip “Caddy”, i cili u përzgjodh për kontroll të detajuar. Gjatë kontrollit, Policia gjeti një sasi të lëndës narkotike kanabis, e cila u sekuestrua së bashku me automjetin.
Materialet procedurale për të dyja rastet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme”, thuhet në njoftim./k.k