Kai Trump, mbesa më e madhe e Presidentit amerikan Donald Trump, debutoi në LPGA në Florida, por pati vështirësi duke regjistruar rezultatin më të lartë të ditës me 83 goditje (+13) në turneun The Annika.
18-vjeçarja, e ftuar me përjashtim sponsori, nisi raundin me katër bogey radhazi dhe e mbylli gjysmën e parë me +6.
Në vazhdim ajo shënoi edhe disa bogey dhe dy double-bogey, duke e përfunduar ditën në vend të fundit. Kai, e renditur 461 në AJGA, garoi vetëm një ditë pasi Universiteti i Miamit njoftoi se ajo do t’i bashkohet ekipit të golfit për sezonin 2026–27.
Kreun e raundit të parë e mori koreanja Ryu Hae-ran me -6 (64 goditje), një goditje para australianes Grace Kim, ndërsa Jennifer Kupcho dhe Charley Hull ndoqën nga afër./MXH