Last Updated on 28/05/2026 by Anisa
Deputeti demokrat Saimir Korreshi ka denoncuar gjendjen e rëndë në Bankën Rajonale të Gjakut, duke e cilësuar situatën si skandaloze dhe të papranueshme për pacientët që kanë nevojë për trajtime jetike. Sipas tij, ambientet ku trajtohen dhe asistohen pacientët, përfshirë të sëmurët me talasemi, ndodhen në një gjendje të degraduar. Ai ka publikuar edhe pamje nga ambientet e institucionit, të cilat sipas tij tregojnë një realitet të rëndë dhe të neglizhuar prej kohësh.
”Banka Rajonale e Gjakut ku çdo i sëmurë që lufton me jetë e shikon si të vetmin shpëtim është katandisur në një gjendje skandaloze! Një zonë që ka për fat të keq shumë të sëmurë që vuajnë nga Talasemia duhet të trokasin tek këto dyer, të këto ambjente të degraduara ku myku dhe lagështia janë bërë padrone! Pamjet janë të rënda hajduteria dhe patronazhistët janë të ftuar ti hapin gallot!!!”, shkruan ai.
Deputeti ka akuzuar autoritetet për mungesë vëmendjeje ndaj kësaj çështjeje, duke kërkuar ndërhyrje urgjente për përmirësimin e kushteve dhe garantimin e standardeve minimale të shërbimit shëndetësor./A.D