Ministri i Jashtëm rus, Sergei Lavrov, deklaroi se Rusia mbetet e hapur për bisedime serioze për paqen në Ukrainë, por hodhi poshtë mundësinë e një armëpushimi të përkohshëm pa një marrëveshje të plotë paqeje, duke e cilësuar atë si jo serioze.
Duke komentuar raportimet se i dërguari i Shtëpisë së Bardhë, Steve Witkoff, dhe dhëndri i ish-presidentit amerikan Donald Trump, Jared Kushner, mund të udhëtojnë drejt Moskës për t’u takuar me presidentin rus Vladimir Putin, Lavrov tha se Kremlini ka shprehur vazhdimisht gatishmërinë për dialog të mirëfilltë.
Lavrov u shpreh se Moska nuk ka informacion të qartë mbi bisedimet e zhvilluara në Paris mes Ukrainës dhe asaj që ai e quajti “koalicioni i të nevojshmëve”, duke shtuar se dokumenti i publikuar ishte vetëm një deklaratë synimesh, ku Shtetet e Bashkuara nuk ishin pjesë.
Sipas tij, Rusia nuk e di ende se çfarë u diskutua konkretisht dhe çfarë nënkupton realisht ajo deklaratë. Lavrov theksoi se nëse pala amerikane është e gatshme të informojë Moskën mbi propozimet e fundit për paqen në Ukrainë, atëherë edhe Rusia është e interesuar t’i dëgjojë ato.
Deklaratat e ministrit të Jashtëm rus vijnë në një kohë kur përpjekjet diplomatike për t’i dhënë fund luftës në Ukrainë vijojnë mes pasigurive dhe mungesës së një konsensusi ndërkombëtar./mxh