Një moment tejet emocionues është shënuar për shkrimtaren Mimoza Ahmeti gjatë ditës së sotme në Ferma Vip.
Ajo ka marrë një surprizë të veçantë nga vajzat e saj, Luka dhe Eir, të cilat i kanë dërguar një mesazh përmes një droni nga jashtë ambientit të fermës. Në dedikimin e tyre të shkruar lexohej: “Mami të duam çmendurisht”, një gjest që e ka prekur thellë shkrimtaren.
E emocionuar deri në lot, Moza nuk ka mundur të përmbajë ndjenjat, ndërsa ka ndarë këtë moment të ndjerë me përqafime me fermerët e tjerë. Mes emocionesh, ajo u është drejtuar vajzave të saj me fjalë të mbushura me dashuri dhe mall:
“Pranoni çmendurinë time. O yjet e mia. Zoti ju ruajt. Ruaj o Zot se unë nuk i ruaj dot”.
Ky moment ka qenë një nga më prekësit në spektakël, duke treguar lidhjen e fortë mes saj dhe vajzave të saj./mxh