Last Updated on 10/03/2026 by Anisa
Avokati Spartak Ngjela ka ndarë një reflektim mbi historinë dhe të ardhmen e shqiptarëve, duke e lidhur atë me periudhat e krizave politike që kanë shoqëruar shpesh historinë e kombeve.
Sipas tij, kur një shtet bie në një krizë të thellë politike, zhvillimi ndalet dhe shoqëria përballet me pasoja të rënda, ndër të cilat më e dukshmja është largimi i qytetarëve nga atdheu. Ngjela thekson se shqiptarët e kanë përjetuar shpesh këtë fenomen në shekuj, sa herë që vendi është përballur me kriza kombëtare.
Megjithatë, ai nënvizon se shqiptarët nuk janë mposhtur asnjëherë. Sipas analizës së tij, edhe gjatë periudhave të pushtimeve të gjata, shqiptarët kanë arritur të kenë ndikim të rëndësishëm në drejtimin e perandorive që i kanë sunduar.
Ngjela përmend se figura me origjinë shqiptare kanë pasur rol në strukturat drejtuese të Perandorisë Romake, Perandorisë Bizantine dhe Perandorisë Osmane, duke e interpretuar këtë si një dëshmi të aftësisë dhe mendjes së spikatur të shqiptarëve për të ndikuar në historinë politike të rajonit.
Duke kaluar në kohët moderne, ai vëren se sot në Gadishullin Ballkanik ekzistojnë dy shtete shqiptare – Shqipëria dhe Kosova – të cilat, sipas tij, përfaqësojnë një fazë të re të historisë kombëtare. Në vizionin e tij, historia shqiptare është në një proces zhvillimi që ai e lidh me idenë e “Arbërisë Klasike”.
Në këtë kontekst, Ngjela shpreh bindjen se në të ardhmen mund të ndodhin zhvillime të tjera politike në rajon që do të ndikojnë edhe në hapësirën shqiptare në Ballkan.
Reagimi i plotë: