Në javën e fundit të merkatos, klubet e mëdha të Serisë A kanë ende disa çështje për të zgjidhur në repartet ofensivë.
Interi, me Cristian Chivu në stol, po vlerëson mundësinë e afrimit të një sulmuesi të pestë me profil të ndryshëm, ku Federico Chiesa mbetet një nga alternativat, ndërsa përmenden edhe Jadon Sancho, Ivan Perisic dhe Raheem Sterling.
Napoli kërkon një alternativë për Rasmus Hojlund dhe po shqyrton Marc Guiu, ndërsa Gabriel Jesus mbetet një opsion më i komplikuar për shkak të pagës.
Roma, e drejtuar nga Gian Piero Gasperini, kërkon një tjetër sulmues krahu dhe Malick Fofana është një nga emrat kryesorë, krahas Ibrahim Mbaye dhe Jamie Bynoe-Gittens.
Como i Cesc Fabregas synon të kompletojë sulmin me Moise Kean, i cili është në negociata me Fiorentinën.
Milani kërkon një fantazist me këmbën e majtë, ndërsa paralelisht duhet të zgjidhë edhe situatën e Rafael Leaos.
Juventusi, pas vetëm një ndeshjeje, kërkon një sulmues më fizik për Luciano Spallettin, me Alexander Sorloth dhe Jean-Philippe Mateta në skenë, ndërsa Atalanta e Maurizio Sarrit po ndjek Jonathan Rowe dhe mund të shqyrtojë edhe një lëvizje për Andre-Frank Zambo Anguissa./mxh