Last Updated on 04/11/2026 by EL
Nga personazhi i Tobias Fünke, që bëhet blu në serialin “Arrested Development”, te theksi karakteristik i Parker Posey në “The White Lotus”, memet virale pasqyrojnë humorin dhe atmosferën në SHBA pas zgjedhjeve.
Zgjedhjet afatmesme në SHBA kanë përfunduar në pjesën më të madhe dhe rezultatet kanë sjellë një reagim të fortë në vend. Fitorja e demokratëve është interpretuar si një refuzim i qartë i politikave të lëvizjes MAGA dhe një goditje për republikanët.
Në rrjetet sociale, atmosfera është kryesisht festive. Pas një prej proceseve zgjedhore më të rëndësishme në historinë e fundit politike amerikane, përdoruesit kanë vërshuar me postime ironike, batuta dhe referenca nga kultura popullore për të komentuar humbjet e republikanëve dhe fitoret e demokratëve.
Një prej postimeve virale, që ka regjistruar afro dy milionë shikime dhe 128 mijë pëlqime, është shoqëruar me komentin: “Duhet të ketë një mënyrë më të mirë për ta thënë këtë”. Një tjetër përdorues e vlerësoi postimin me fjalët: “Ky postim meriton të ekspozohet në Luvër”.
Edhe performanca e aktorit Brendan Fraser në filmin “The Whale”, për të cilën fitoi çmimin Oscar, është rikthyer në qendër të vëmendjes përmes memeve që ironizojnë reagimet pas rezultateve zgjedhore.
Në listën e referencave virale nuk mungon as Parker Posey, e cila në sezonin e tretë të serialit “The White Lotus” u bë e njohur për theksin e saj jugor dhe përdorimin e qetësuesve. Këtë herë, ironia në rrjetet sociale sugjeron se drejtuesit republikanë mund të kenë nevojë për të njëjtin lloj qetësuesish pas rezultatit të zgjedhjeve.
Në shënjestër të ironisë kanë përfunduar edhe kompanitë e teknologjisë dhe projektet e tyre, veçanërisht taksitë autonome Waymo. Në disa qytete amerikane, këto automjete janë përballur me kundërshtim, me përdorues që i kanë drejtuar drejt rrugëve pa dalje, u kanë vendosur kone trafiku sipër për t’i bllokuar, madje në disa raste u kanë vënë flakën.
Memet kanë përfshirë edhe ish-guvernatorin e Teksasit, ndërsa komentet ironike janë shoqëruar me imazhe që nënvizojnë pakënaqësinë ndaj tij.
Ndërkohë, gazetarja e MS NOW, Rachel Maddow, duket se e ka nisur festën që përpara përfundimit të zgjedhjeve, duke hapur një shishe verë. Në rrjetet sociale, përdoruesit kanë ironizuar se ajo me siguri nuk e ka lënë festën me kaq.