Parlamenti i Venezuelës ka miratuar emërimin e Larry Devoe si Prokuror i Përgjithshëm i vendit, në një vendim që vjen pas dorëheqjes së paraardhësit të tij Tarek William Saab në muajin shkurt.
Vendimi u miratua me shumicë dërrmuese votash në Asamblenë Kombëtare, e drejtuar nga Jorge Rodriguez, ndërsa Devoe kishte shërbyer më parë si prokuror i përkohshëm dhe drejtues i Këshillit Kombëtar të të Drejtave të Njeriut. ()
Gjatë seancës parlamentare, deputetët miratuan gjithashtu edhe emërimin e Eglee Gonzalez Lobato si Avokate e Popullit, duke plotësuar kështu dy nga postet më të rëndësishme të sistemit të drejtësisë në vend. ()
Megjithatë, ky vendim nuk kaloi pa kundërshtime. Përfaqësues të opozitës, përfshirë deputetin Henrique Capriles, propozuan një kandidat alternativ dhe shprehën shqetësime për mungesën e pavarësisë së institucioneve.
Emërimi i Devoe vjen në një moment delikat për Venezuelën, e cila po kalon një periudhë ndryshimesh politike dhe reformash në sistemin e drejtësisë, përfshirë edhe zbatimin e një ligji amnistie. ()
Analistët e konsiderojnë këtë lëvizje si pjesë të riorganizimit të institucioneve shtetërore, ndërsa mbetet për t’u parë nëse drejtësia në vend do të fitojë më shumë besueshmëri dhe pavarësi./mxh