Të maskuar dy autorët hynë në banesë, por u pikasën nga i zoti i shtëpisë dhe tentuan arratisjen nëpër lagje. Sulmuan karabinierët me tulla dhe kapërcyen gardhin, por 37-vjeçari me precedentë nuk ia doli dot. Mallin e lanë pas, përdornin një veturë “Alfa Romeo” për bastisjet.
Itali– Karabinierët italianë arrestuan një 37-vjeçar me origjinë shqiptare, i kapur duke vjedhur në një apartament në ‘Via Ghiberti’ të Napolit, së bashku me një bashkëpunëtor, ende në kërkim.
Episodi daton mbrëmjen e djeshme (23 shkurt), rreth orës 19:30, kur ushtarakët kanë ndërhyrë pas denoncimit të pronarit të shtëpisë, i cili kishte denoncuar vjedhjen e 700 eurove cash dhe disa bizhuterive prej ari , në vlerë totale rreth 2000 euro.
Falë pamjeve nga kamerat e vëzhgimit, karabinierët rindërtuan dinamikën e vjedhjes. Dy autorët, me fytyrën e mbuluar, me kapele dhe shall rreth qafës, kishin hyrë në shtëpi dhe kur mbërriti policia, kishin ikur në përpjekje për të arritur një ‘Alfa Romeo Stelvio’ të zezë , të parkuar jo shumë larg portës së hyrjes.
Megjithatë, ata nuk arritën të përdornin makinën dhe vazhduan arratisjen në këmbë.
Hetimet lejuan që dy hajdutët të identifikoheshin në një kantier ndërtimi aty pranë . Këtu tentuan të sulmonin një nga ushtarët duke hedhur tulla, përpara se të iknin sërish duke përfituar nga errësira, informon media italiane.
Duke kërcyer rrethojat dhe portat në qendër të Celloles, të dy u përpoqën të humbnin gjurmët.
Por 37-vjeçari u ndalua pas një rezistence të ashpër në Via Ghiberti, ku kishte tentuar të fshihej duke u ngjitur mbi një gardh. Megjithatë, bashkëpunëtori arriti të shpëtonte, duke lënë pas të gjithë plaçkën, e cila u gjet e përhapur në zonë.
Personi i njohur tashmë për policinë është vënë në pranga dhe është dërguar në komisariat, ndërsa vijojnë kërkimet për kapjen e hajdutit të dytë./k.k
