Futbolli shqiptar thyen tabutë dhe hyn në histori. Flamuri i Kosovës është ngritur për herë të parë në Beograd, në kuadër të Kongresit të UEFA-s, që u mbajt atje.
Pavarësisht se Serbia nuk e njeh shtetin e Kosovës, hyrja e kësaj të fundit në gjirin e UEFA-së ia ka bërë një vend flamurit shtetëror edhe në kryeqytetin serb.
Një moment i tillë vjen edhe pas zhurmës së madhe për organizimin e përbashkët të Evropianit U-17 mes Shqipërisë dhe Serbisë më 2026.
Dhe për herë të parë në histori, flamuri i Kosovës është ngritur në Beograd të Serbisë, jo në një samit politik apo në një konferencë diplomatike, por në Kongresin e UEFA-s, organizmin më të lartë të futbollit europian.
Kryetari i Federatës së Futbollit e Kosovës, Agim Ademi, ka pozuar gjithashtu me flamurin kosovar, informon ‘KlanKosova’.
Ky moment vjen në një kohë kur UEFA dhe FSHF janë sulmuar për vendimin e guximshëm për të organizuar Kampionatin Europian U-21 të vitit 2027 në Shqipëri dhe Serbi.
Për herë të parë, flamuri i Kosovës qëndroi përkrah atyre të federatave të tjera europiane në një event madhor në Beograd./e.t
