Jozefina Topalli, drejtuesja politike e Partisë Demokratike për Diasporën, ka ndarë me ndjekësit e saj në rrjetet sociale mesazhet që ka marrë nga emigrantët shqiptarë, të cilët shprehin mbështetje për koalicionin “Aleanca për Shqipërinë Madhështore”, shkruan A2 CNN. Në një postim të fundit, Topalli thekson se këto mesazhe vijnë nga emigrantë të ndryshëm që kanë votuar për këtë koalicion, duke shprehur kundërshtimin ndaj qeverisë së Edi Ramës.
Një prej mesazheve të ndara nga Topalli është ai i një emigranti që ka marrë zarfin me fletën e votimit të dërguar nga Komisioni Qendror i Zgjedhjeve (KQZ) dhe ka votuar për numrin 1, Aleancën për Shqipërinë Madhështore. Topalli thekson se këto mesazhe i vijnë çdo ditë në platformat sociale si WhatsApp, Instagram dhe Facebook, duke shprehur mirënjohjen për angazhimin e diasporës.
“Sapo votova nr
!
3 vota nga Gjermania – kundër regjimit!
Këto janë mesazhet që po me vijnë në WhatsApp, Instagram, Facebook…
Zëra të qartë, vendime të forta!
Faleminderit diasporë!
Ju jeni shpresa, ju jeni zëri i ndryshimit!
Ju jeni forca që po shkruan historinë e re të Shqipërisë!”, shkruan Topalli në Facebook.
Në mëngjes, Kryeministri Edi Rama publikoi gjithashtu në Facebook një foto të një familjeje emigrantësh në Gjermani, të cilët morën të parët zarfin me fletën e votimit.
“Sa prekëse e njëkohësisht frymëzuese kjo foto kaq simbolike e një familjeje shqiptarësh të Europës, për përpjekjen tonë të përbashkët për Shqipërinë 2030 ????????????️???????? Faleminderit me mirënjohje dhe jua shpërblefsha me pasaportën europiane të Shqipërisë e me një Shqipëri zonjë në Bashkimin Europian, e cila për çunin e vogël dhe bashkëmoshatarët e tij të mos jetë më kurrë një vend banorësh të dorës së dytë të Europës”, shkroi Rama. /e.t
