Kreu i Partisë Demokratike, Sali Berisha, ka reaguar pas operacionit të fundit “Ura”, duke bërë një thirrje drejtpërdrejtë ndaj qeverisë amerikane dhe ish-presidentit Donald Trump, që të shpallin si organizata terroriste kartelet e drogës në Shqipëri.
Berisha theksoi se në SHBA ka tashmë një qasje të re ndaj grupeve kriminale, ku disa kartele janë shpallur si terroriste, dhe kërkoi që e njëjta qasje të aplikohet ndaj rrjeteve mafioze shqiptare.
“I bëj thirrje Trump dhe qeverisë amerikane të shpallë terroriste kartelet këtu që lëvizin miliarda euro para droge dhe që i lajnë lirshëm pa asnjë lloj kufizimi me firmën e Ramës,” – deklaroi Berisha.
Ai shtoi se një veprim i tillë do të ishte një kontribut i madh për sigurinë në Shqipëri, rajon, NATO dhe Evropë. Berisha akuzoi sërish eksponentë të lartë të mazhorancës, përfshirë Edi Ramën, Taulant Ballën dhe Ervin Hoxhën, për lidhje me këto kartele dhe u shpreh i gatshëm të paraqesë prova që, sipas tij, vërtetojnë këto implikime.
“Dita e djeshme shënon një moment kthese të rëndësishme për shqiptarët dhe jo vetëm,” – përfundoi Berisha deklaratën./e.t
