Last Updated on 15/11/2025 by EL
Kina është thellësisht e shqetësuar për lëvizjet e fundit ushtarake dhe të sigurisë të Japonisë, tha të premten zëdhënësi i Ministrisë së Jashtme kineze Lin Jian.
Lin i bëri komentet në një konferencë të rregullt për shtyp kur iu kërkua të komentonte mbi vërejtjet e kryeministres japoneze Sanae Takaichi në parlament, në lidhje me parimet e Japonisë për të mos poseduar, prodhuar ose futur armë bërthamore në territorin e saj.
Takaichi mbeti e paqartë në qëndrimin e saj mbi Tre Parimet Jo-Bërthamore, duke lënë të kuptohet mundësia e braktisjes së tyre. Zyrtarë të lartë japonezë madje kanë pohuar se nuk e përjashtojnë futjen e nëndetëseve bërthamore, tha Lin. “Kjo ekspozon plotësisht ndryshimin e rëndësishëm dhe negativ të politikës së Japonisë dhe dërgon një sinjal të rrezikshëm për bashkësinë ndërkombëtare.
Kohët e fundit, Takaichi bëri vërejtje provokuese mbi çështjen e Tajvanit, duke nënkuptuar mundësinë e ndërhyrjes me armë në Ngushticën e Tajvanit, tha Lin.
Lin i kërkoi palës japoneze të përmbahet në rrugën e zhvillimit paqësor, të ndalojë së kërkuari justifikime për zgjerimin e vet ushtarak dhe të fitojë besimin e fqinjëve të saj aziatikë dhe të bashkësisë ndërkombëtare me veprime konkrete./e.t