Paramount Skydance ka bërë një tjetër ofertë për të blerë Warner Brothers Discovery, ndërsa kërkon të mposhtë një ofertë rivale nga Netflix për të blerë studion dhe rrjetet e transmetimit të kompanisë.
Paramount, e cila mbështetet nga familja miliardere Ellison, tha se po i bënte një ofertë të drejtpërdrejtë aksionarëve prej 30 dollarësh për aksion për të blerë të gjithë kompaninë, përfshirë rrjetet e saj tradicionale televizive.
Ajo tha se propozimi i saj ishte një “alternativë superiore” ndaj atij nga Netflix, duke u ofruar aksionarëve më shumë para paraprakisht dhe një perspektivë më të madhe miratimi nga rregullatorët.
Presidenti Donald Trump ka thënë se “mund të ketë një problem” me blerjen nga Netflix, duke treguar shqetësime për konkurrencën, duke pasur parasysh madhësinë e kompanive. Paramount tha se marrëveshja e saj e vlerësoi kompaninë në 108.4 miliardë dollarë.
Propozimi i Netflix i kishte vlerësuar studiot dhe rrjetet e transmetimit të Warner Brothers, siç është HBO, në rreth 83 miliardë dollarë. m.p.