Shkrimtarja e njohur Sophie Kinsella, autore e serisë së suksesshme “Shopaholic”, ka ndërruar jetë në moshën 55-vjeçare, njoftoi familja e saj.
Kinsella, emri i vërtetë i së cilës ishte Madeleine Sophie Wickham, ishte diagnostikuar me një formë agresive të kancerit të trurit në vitin 2022. Në një postim në Instagram, familja e saj shkroi se ajo ndërroi jetë në paqe, të rrethuar nga familja, muzika dhe gjëra të tjera që donte.
Gjatë karrierës së saj, librat e Kinsella-s janë shitur në mbi 50 milionë kopje në më shumë se 60 vende dhe janë përkthyer në mbi 40 gjuhë.
Ajo ishte e njohur për romanet si Can You Keep a Secret?, The Undomestic Goddess dhe serinë e “Shopaholic”, që u përshtat edhe në filmin Confessions of a Shopaholic më 2009.
Shtëpia botuese e saj e përshkroi Kinsella-n si një shkrimtare që “e ngriti komedinë romantike duke përfshirë çështje reale me humor, thellësi emocionale dhe vlerësim shoqëror”, duke i sjellë lexuesit nga të gjitha moshat dhe vendet e botës./MXH