Incidenti më të shtëna që ndodhi në Washington Hilton në Connecticut Avenue, ku i pranishëm ishte edhe presidenti amerikan Donald Trump, është i njëjti hotel në të cilin iu bë atentat në vitin 1981 ish-presidentit të SHBA-ve, Ronald Reagan.
Tre persona u plagosën gjatë atentatit ndaj Reagan. Të shtënat ndodhën më 30 mars 1981, autori John Hinckley Jr, qëlloi drejt Reagan ndërsa ai po kthehej në limuzinën e tij pas një fjalimi brenda hotelit.
Të shtënat në darkën e Trump, në të njëjtin
Reagan mbijetoi, por u plagos rëndë nga një plumb që u kthye nga ana e një limuzine presidenciale dhe e goditi në bust, duke i thyer një brinjë dhe duke i shpuar njërën nga mushkëritë. Ai u dërgua me urgjencë në Spitalin Universitar George Washington aty pranë dhe përfundimisht u lirua më 11 prill.
Sekretari i atëhershëm i Shtypit i Shtëpisë së Bardhë, James Brady, u plagos në të njëjtin incident, si dhe një agjent i Shërbimit Sekret dhe një oficer lokal i Departamentit të Policisë Metropolitane.
Vitin pasardhës, Hinckley u shpall i pafajshëm për shkak të gjendjes mendore, por u mbyll në një zonë të sigurisë së lartë të Spitalit St.Elizabeth të Uashingtonit deri sa u lirua në vitin 2016./Kb