Last Updated on 12/06/2026 by Anisa
Detaje të tjera janë zbuluar në lidhje me mega operacionin e SPAK dhe Policisë së Shtetit për goditjen e një grupi kriminal të lidhur me trafikun e drogës.
Biznesmeni Orges Sota, i cili ka përfunduar në pranga, është pyetur më herët për skandalin e AKSHI.
Gjithashtu është shpallur në kërkim dhe nuk ka konfirmim nëse është arrestuar Orest Birçaj për pastrim parash dhe grup i strukturuar kriminal.
Ndërkohë Edmond Jaupaj është nën masën e sigurisë arrest shtëpie.
Operacioni është ende në vijim e sipër, ndaj po ushtrohen kontrolle në disa zona në Tiranë dhe Vlorë.
Sa i përket strukturës së grupit kriminal, dyshohet se krerët janë të vendosur në Dubai.
Është marrë masa e sigurisë arrest me burg për Artur Koçekun, së bashku me vëllanë e tij Abedin Koçeku.
Deri tani janë lëshuar 20 masa sigurie për anëtarët e grupit, që dyshohen të përfshirë në trafikun e sasive të mëdha të kokainës, ndërsa të ardhurat nga trafiku investoheshin në ndërtim./a.d