Last Updated on 23/06/2026 by Kesjana
Një kombinim i dy medikamenteve ekzistuese mund të ofrojë një mënyrë të re për të mbrojtur trurin pas një ictusi, duke e vendosur përkohësisht në një gjendje të ngjashme me “letargjinë” dhe duke reduktuar dëmtimin e neuroneve.
Studimi, i publikuar në Science Translational Medicine, tregon se dy barna të përdorura prej vitesh në praktikën klinike mund të shkaktojnë hipotermi të kontrolluar, një gjendje që ul nevojën e trurit për oksigjen dhe ngadalëson proceset që çojnë në vdekjen e qelizave nervore pas një ictusi.
Eksperimentet te minjtë dhe makakët rhesus treguan se kombinimi i klorpromazinës dhe prometazinës uli temperaturën e trupit, frenoi metabolizmin dhe reduktoi ndjeshëm dëmtimet cerebrale. Më pas, terapia u testua në një studim të fazës së parë me 32 pacientë, ku rezultoi e sigurt dhe e toleruar mirë.
Sipas studiuesve, kjo qasje mund t’u japë mjekëve më shumë kohë për të ndërhyrë në rastet e ictusit, një faktor vendimtar pasi qelizat e trurit fillojnë të vdesin brenda pak orësh nga ndërprerja e furnizimit me gjak dhe oksigjen.
Nëse konfirmohet në studime më të mëdha, terapia mund të shndërrohet në një mjet të rëndësishëm për të reduktuar pasojat neurologjike dhe për të përmirësuar shanset e rikuperimit të pacientëve me ictus./kb