Kombëtaret e Zvicrës dhe Kolumbisë do të ndeshen në përballjen e fundit të fazës së 1/8-ave të Kupës së Botës.
Përfaqësuesja helvete vjen në këtë sfidë pas një ecurie mjaft pozitive, ku suksesi i fundit 2-0 ndaj Algjerisë shënoi fitoren e tretë radhazi për herë të parë në historinë e këtij ekipi në këtë kompeticion.
Skuadra e drejtuar nga Murat Yakin nuk njeh humbje prej shtatë ndeshjesh, e mbështetur te një fazë defensive e mirëorganizuar dhe një lojë e balancuar.
Në krahun tjetër, Kolumbia vjen pas një rrugëtimi që përfshiu ndeshje të luajtura në të tre shtetet organizatore të këtij Botërori. Pas triumfit minimal 1-0 ndaj Ganës, ekipi i Amerikës Latine vërtetoi qëndrueshmërinë e tij në prapavijë, duke regjistruar tre takime radhazi pa pësuar asnjë gol.
Skuadra që do të kualifikohet nga ky çift do të gjejë në fazën çerekfinale Argjentinën, e cila eliminoi Egjiptin.
Pak minuta përpara fillimit të ndeshjes, janë zbuluar edhe formacionet zyrtare të të dyja ekipeve. Të Zvicra e nisin titullarë dy lojtarët me origjinë shqiptare, Granit Xhaka dhe Ardon Jashari./mxh